ع الزلط: لعبة سواقة سودانية في شوارع الخرطوم

اللفّات

كل لفّة شارع حقيقي في العاصمة، بإشاراتو ومطباتو ومعالمو. ولما تقرّب من معلم معروف بيطلع ليك كرت فيهو معلومة عنو، زي «المقرن: هنا النيل الأبيض والنيل الأزرق بيتلاقوا».

كل لفّة بالتفصيل: شوارعها وأحياءها والمعالم الفيها

طرق اللعب

سواقة حرة

سوق لأبعد مسافة من غير ما تخبط، واكسب جنيهات من المسافة والزوغات.

مشاوير

شيل ركاب من الشارع ووصلهم لمعالم حقيقية. الراكب بيسأل «بكم؟» وإنت بتفاصل: رخيص، عادي، أو غالي. وفي الحاجة بشنطها، والطالب البيقول «الباقي بديك ليهو بكرة»، والزول البيوصف الطريق «خش يمين… لا لا قصدي شمال».

الكمساري

سوق هايس أو كوستر وقيف في المواقف. الكمساري بينادي «عربي عربي!» و«بحري بحري!»، والناس بتركب وكل واحد بيدفع.

سابق الزمن

الحق نقاط التفتيش قبل الوقت يخلص.

اتحداني

سباق أونلاين مع صاحبك لحدي الموقف. اختار المسافة، وأرسل ليهو الرابط في واتساب، وبتنطلقوا إنتو الاتنين في نفس اللحظة.

طريقة اللعب بالتفصيل: التحكم، الجنيهات والغرامات، الليفلات، البنزين والنيترو

العربات

• ركشة
• أمجاد
• تاكسي أصفر
• أكسنت
• موتر بوكسر
• بوكس هايلكس
• لاندكروزر
• حافلة هايس
• كوستر
• دفار
• كارو بحماره

بتشتريهم من الورشة بالجنيهات البتكسبها. وفي «الزينة والبوري» بوري الزغرودة والتريلا، ستاير وليتات للركشة، ستكر «الحسود لا يسود»، ويافطة فوق السقف: الهلال، المريخ، أو علم السودان.

الشارع السوداني زي ما هو

• ستات الشاي قاعدات ورا الكانون والجبنة، وأزيار السبيل، وعناقريب تحت النيم.
• غنم وحمير بيقطعوا الشارع، والحمار ساعات بيقيف في النص.
• مطبات، نصها مدهون أصفر وأسود، والباقي «ما معروف جا من وين».
• رادارات وغرامات، وإشارات مرور في التقاطعات الحقيقية.
• طرمبات بنزين بعمالها وصفوفها، وفي منها الحقيقية من الخريطة.
• الشارع رايق أو زحمة أو جوطة، والوقت صباح أو مغرب أو ليل أو كتاحة.

أسئلة بتتكرر