سياسة الخصوصية
لعبة «ع الزلط»: تطبيق أندرويد (com.alzalat.app) ونسخة المتصفح في alzalat.com · آخر تحديث: 3 نوفمبر 2026
الصفحة دي بتوضّح البيانات البتحفظها اللعبة، وليه، ولحدي متين، وكيف تمسحها. لو عندك أي سؤال، راسلنا في [email protected].
باختصار
- ما في إعلانات، ولا أدوات تتبّع أو إحصائيات، وما بنبيع بياناتك ولا بنديها لزول عشان الدعاية.
- تقدر تلعب من غير حساب، وتقدّمك بيتحفظ في جهازك بس.
- الحساب اختياري، عشان عملاتك وعربياتك تتحفظ في السيرفر وتلعب «اتحداني» مع صاحبك.
- تقدر تمسح حسابك وكل بياناتو في أي وقت، من اللعبة أو من الموقع.
البنحفظو
في جهازك (من غير حساب)
الإعدادات (الصوت والكاميرا)، وتقدّمك في اللعبة (العملات، والعربيات، والأماكن اللقيتها في السوق)، والعربيات البتنزّلها من الكراج. الحاجات دي في جهازك بس، وما بتطلع منو إلا لو عملت حساب.
الحساب (لو عملتو)
- اسم المستخدم وكلمة السر. كلمة السر بتتحفظ مشفّرة (scrypt)، وما بنقدر نشوفها.
- لو دخلت بقوقل (في التطبيق أو المتصفح): رقم حسابك في قوقل، وإيميلك، والاسم البيظهر. ما في كلمة سر، وما بنشوف ولا بنحفظ كلمة سر قوقل.
- الاسم البيظهر في اللعبة، وتاريخ عمل الحساب، وكود الدعوة، والزول الدعاك لو في.
- حفظ اللعبة: العملات، والعربيات، والأرقام، والأماكن اللقيتها، عشان تلقاها في أي جهاز.
- جلسات الدخول: رمز الدخول بيتحفظ مشفّر، مع وقت آخر استعمال ليهو. الجلسة البقت سنة ما اتستعملت بتتمسح.
- المكافآت: العملات البتجيك من التسجيل والدعوات، واسم الصاحب الدعيتو.
«اتحداني» (السباق أونلاين)
وانتو بتتسابقوا، مكانك وسرعتك بيترسلوا لصاحبك عشان يشوف عربيتك. الغرفة موجودة في ذاكرة السيرفر بس، وبتنتهي لما السباق يخلص، وما بتتحفظ.
سجلات السيرفر
زي أي موقع، السيرفر بيسجّل عنوان الـ IP، ونوع الجهاز أو المتصفح، والصفحة المطلوبة، ووقتها. بنستعملها للأمان (زي إنو نوقف المحاولات الكتيرة لكلمة السر) وعشان نحل المشاكل، وما بنربطها بحسابك. بتتمسح براها بعد 14 يوم.
تنزيل العربيات
لما تنزّل عربية من الكراج، التطبيق بيجيبها من alzalat.com، وما بيرسل أي بيانات عنك.
الما بنعملو
- ما بنعرض إعلانات، وما فيها أدوات إحصائيات ولا تتبّع ولا تقارير أعطال من جهات تانية.
- ما بنبيع بياناتك، وما بنديها لزول عشان الدعاية.
- ما بنطلب مكانك، ولا الكاميرا، ولا المايك، ولا جهات الاتصال، ولا الصور. تطبيق أندرويد بيطلب تلاتة أذونات بس: الإنترنت، وحالة الشبكة عشان يعرف إنت في واي فاي قبل ما ينزّل عربية كبيرة، والهزّاز عشان الدركسون والخبطات يهزّوا في يدك.
- ما بنطلب رقم تلفونك ولا اسمك الحقيقي.
جهات بتمر بيها البيانات
- Cloudflare: الموقع والـ API بيمرّوا بيها عشان السرعة والحماية من الهجمات.
- شركة الاستضافة: سيرفر اللعبة مستأجر عندها، والبيانات محفوظة فيهو.
- قوقل: لو دخلت بقوقل (في التطبيق أو المتصفح)، سياسة خصوصية قوقل بتنطبق على الدخول دا. وتنزيل التطبيق وتحديثاتو بيكون من قوقل بلاي، وقوقل بتجمع بيانات حسب سياستها.
ما في جهة تانية بتاخد بياناتك مننا.
لحدي متين بنحفظها
- بيانات الحساب والحفظ: لحدي ما تمسح الحساب.
- جلسات الدخول: لحدي ما تطلع، أو سنة من آخر استعمال.
- النسخ الاحتياطية اليومية للسيرفر: 14 يوم، وبعدها بتتمسح براها.
- سجلات السيرفر: 14 يوم.
- غرف السباق: لحدي ما السباق يخلص.
امسح حسابك
من جوّه اللعبة: القائمة ← حساب ← امسح الحساب. ولا من الموقع: alzalat.com/delete-account.
المسح فوري ونهائي: اسم المستخدم، وكلمة السر أو إيميل قوقل، والعملات، والعربيات، والأماكن، ومكافآت الدعوات، وكل جلسات الدخول. النسخ الاحتياطية الفيها حسابك بتتمسح براها بعد 14 يوم. التقدّم المحفوظ في جهازك بيتمسح لما تمسح التطبيق أو بياناتو من إعدادات التلفون.
الأطفال
اللعبة مناسبة للأعمار كلها، وما فيها إعلانات. ممكن تتلعب كاملة من غير حساب. الحساب بيطلب اسم مستخدم وكلمة سر بس، من غير إيميل ولا تلفون ولا اسم حقيقي (إلا لو اخترت الدخول بقوقل، فبنحفظ إيميل قوقل والاسم البيظهر فيهو). ما بنقصد نجمع أي بيانات تانية عن الأطفال. لو انت أب أو أم وداير تمسح حساب ولدك، امسحو من الصفحة الفوق ولا راسلنا.
الأمان
كل الاتصال باللعبة مشفّر (HTTPS). كلمات السر ورموز الدخول محفوظة مشفّرة، وعدد محاولات الدخول محدود.
لو السياسة اتغيّرت
بنحدّث الصفحة دي ونغيّر تاريخها الفوق. لو التغيير كبير، بنوضّحو في اللعبة أو في الموقع.
تواصل معانا
أي سؤال عن خصوصيتك أو بياناتك: [email protected]
Privacy policy (English)
ع الزلط (Alzalat): the Android app com.alzalat.app and the browser game at alzalat.com. Last updated
3 November 2026. Contact: [email protected].
- No ads, no analytics or tracking SDKs, no third-party crash reporting. We do not sell your data or share it for advertising.
- Without an account, settings and progress (coins, cars, places found) stay on your device only.
- With an optional account we store: your username and password (hashed with scrypt), or for Google sign-in (in the app or on the web) your Google account ID, email and display name (no password; we never see your Google password); your display name, sign-up date and invite code; your game save (coins, cars, records, places found); sign-in sessions (token hashed, last use; deleted after a year unused); and invite rewards (including the invited friend's name).
- Online races send your position and speed to the friend you race while racing; rooms live in server memory only and are not stored.
- Server logs (IP address, device or browser type, page, time) are used for security and fixing problems, are not linked to your account, and are deleted after 14 days. Daily backups are kept for 14 days.
- Permissions: the Android app asks only for Internet, network state (to check for Wi-Fi before downloading a car) and vibration (the steering wheel and crashes). No location, camera, microphone, contacts or photos.
- Service providers: Cloudflare (content delivery and protection), our server host, and Google (Sign in with Google in the app and on the web, and app distribution through Google Play, under Google's own privacy policy).
- Delete your account at any time in the app (Menu → Account → Delete account) or at alzalat.com/delete-account: deletion is immediate and permanent; backups that still hold it are removed after 14 days.
- Children: the game is for everyone and has no ads; it can be played fully without an account, and an account needs only a username and password (no email, phone number or real name), unless you choose Google sign-in, which stores your Google email and display name. We do not knowingly collect more from children; parents can delete an account on the page above or contact us.